「棒殺」黃成智 民主黨意欲何為？

最近民主黨創黨黨員黃成智因為發起支持政改方案嘅聯署，俾該黨紀律委員會暫時冻结党籍，并建议革除佢嘅党籍。其實民主黨內部都有人認為呢個懲罰好重，仲連民主黨中委楊森都為黃成智撰寫求情信，認為革除黨籍懲罰太嚴。但系睇依家劉慧卿、何俊仁等高層嘅態度，黃成智分分鐘會被割除黨籍。

其實大家都好奇怪，一向被視作溫和嘅民主黨點解今次咁「無情」，可以話封殺左一切支持政改嘅言論同行為，已經在黨內形成一個「非敵即友」嘅形勢，唔單黃成智，羅致光、狄志遠等被視為溫和泛民嘅黨內元老都俾何俊仁等恫嚇，「如果与党的理念不符，应该退党」。

民主黨五年前支持政改方案通過，但系遭到激進勢力嘅猛烈攻擊，并在选战中接连失利，该党自此对谈判妥协如「惊弓之鸟」，相反就愈來愈激進。呢度我就提醒民主黨，超級區議會五個位你哋有兩個喔！如果民主黨內一切溫和、理性嘅聲音都俾壓制，我就睇唔到你哋選舉中翻身嘅機會。