唔通民主黨開始走向激進民主之路

較早前，民主黨因為其議員黃成智支持「袋住先」而召開緊急中委會，討論凍結其黨籍，本人百思不得其解。眾所周知，民主黨係一個較溫和嘅民主派，佢嘅作風一直偏向較溫和，所以民主黨從創黨至今吸納唔少支持者。

但係，今次因黃議員支持「袋住先」而召開緊急中委會，而且討論凍結其黨籍，AV仁與劉慧卿均公開譴責，呢個係埋代表民主黨正開始走向激進民主之路？

筆者有幸中學時期同現任嘅馬鞍山「利X」選區嘅民主黨區議員一齊共事多年，深知佢係一個鐘意突出自己、嘲諷他人、行為激進同態度浮誇嘅人。然而，民主黨吸納同培養呢類「優秀」人才參選，呢啲做嘢要「實事求是」嘅區議員，係埋代表民主黨「後繼無人」但又要保持民主派「一哥」之位亦或係民主黨需要積極考慮改變？而呢個改變需要更多好似黃成智咁樣嘅人「棄暗投明」，割走嗰啲隱性激進派嘅「毒瘤」。